Kursa tek for seg alt – frå tapas til større tre- til femrettars menyar – baserte på lokale
kvalitetsråvarer, i ein miks mellom lokal mattradisjon og nye impulsar. Eg er oppteken av den nye historia, og aller mest av menneska bak råvarene. Men ein må kjenna den gamle historia før ein tek fatt på det nye. Om å nytta eigne råvarer skriv diktaren Arne Garborg dette i hovudverket Fred (1892):

”Og så skulle me vera nøgde med det som Gud gav oss. Det som voks på vår eigen grunn skulle vera oss både nok og godt nok.”

Og det er sanneleg både nok og godt nok: Kryddene frå Horpestad og Vigrestad, osten frå Voll, aroniasafta frå Sele, tomatane frå Vik, kyllingen frå Hå, den jærske Jarlsbergosten og mange fl eire jærprodukt av aller beste kvalitet. Her er det berre å forsyna seg!

KURS I MATLAGING BASERT
PÅ LOKALE RÅVARER